Ish-presidenti amerikan, Donald Trump po shpenzon nga arka e fushatës së tij më shumë sesa ka, gjë që ka shqetësuar veçanërisht kandidatin republikan, i cili gjithashtu duhet të financojë tarifat e tij ligjore.

Vetëm në janar, komiteti i veprimit politik, i cili punon me Trump, shpenzoi 2.9 milionë dollarë për tarifat ligjore. Në total, fushata e miliarderit amerikan mblodhi 8.8 milionë dollarë nga donatorët muajin e kaluar, por ai dha 11.4 milionë dollarë nga xhepi.

Fushata e ish-presidentit të SHBA-së nisi në muajin shkurt duke mbledhur nga donatorët shumën jo të pakët prej 30.4 milionë dollarësh. Shpenzimi i tij më i madh, sipas Bloomberg, ishte 4.7 milionë dollarë që pagoi për kohën e reklamimit.

Pothuajse të gjitha donacionet erdhën nga komiteti për mbledhjen e fondeve të Trump Save America, i cili nuk do të raportojë financat e tij deri më 15 prill.

Tarifat ligjore të miliarderit amerikan janë kritikuar në fushatën e tij, ndërsa kundërshtari i tij i vetëm i mbetur dhe ish-ambasadorja e SHBA në OKB, Nikki Haley, ka kritikuar shumën e parave që donatorët kanë shpenzuar për mbrojtjen e tij.

Vihet re se komiteti “Save America” shpenzoi më shumë se 51 milionë dollarë vitin e kaluar për tarifat e avokatit të Trump.

Paratë që mund të ishin përdorur për tarifat ligjore do të harxhohen në mes të vitit nëse ai vazhdon të shpenzojë me të njëjtin ritëm që bëri në 2023, që do të thotë se do t’i duhet të mbledhë më shumë para nga donatorët./abcnews.al